​తోబుట్టువులకు రాఖీలు కట్టిన సోదరీమణులు

స్థానికం పత్రిక సబ్ ఎడిటర్ కత్తుల రవి కి రాఖీ కట్టిన అక్క సువర్ణ

​చౌటుప్పల్ పట్టణంలో శుక్రవారం రాఖీ పౌర్ణమి వేడుకలను ప్రజలు ఆనందోత్సవాల మధ్య ఘనంగా నిర్వహించుకున్నారు. అక్కాచెల్లెళ్లు తమ సోదరుల ఆయురారోగ్యాలు, శ్రేయస్సును కాంక్షిస్తూ అనురాగానికి ప్రతీకగా రాఖీలు కట్టి శుభాకాంక్షలు తెలిపారు. ఈ సందర్భంగా పట్టణంలోని పలు ఆలయాలు భక్తులతో కిటకిటలాడగా, ప్రత్యేక పూజలు నిర్వహించారు.

​స్థానికం పత్రిక సబ్ ఎడిటర్, అంజలి ఫోటో స్టూడియో అధినేత రవికి ఆయన అక్క సువర్ణ రాఖీ కట్టి స్వీట్లు తినిపించారు. ఈ సందర్భంగా వారు మాట్లాడుతూ... అన్నాచెల్లెళ్లు, అక్కా తమ్ముళ్ల అనుబంధానికి, ఆత్మీయ అనురాగాలకు ప్రతీక రాఖీ పండుగ అని పేర్కొన్నారు. పట్టణమంతా పండగ వాతావరణం నెలకొంది.