సంగారెడ్డి జిల్లా జహీరాబాద్ మండలం అల్లిపూర్‌లో దారుణ ఘటన చోటుచేసుకుంది. కేవలం రూ.500 కోసం కన్న తండ్రినే కుమారుడు కత్తితో పొడిచి హత్య చేసినట్లు సమాచారం. అల్లిపూర్‌కు చెందిన తుకారం (35) తన ప్యాంట్ జేబులో పెట్టుకున్న రూ.500 నగదు కనిపించకపోవడంతో, ఆ డబ్బును తన తండ్రే తీసుకున్నాడని అనుమానించాడు. తండ్రి తాను డబ్బులు తీసుకోలేదని చెప్పినా తుకారం వినకుండా ఆయనతో వాగ్వాదానికి దిగాడు. ఈ క్రమంలో తీవ్ర ఆగ్రహానికి గురై కత్తితో తండ్రిపై దాడి చేయడంతో ఆయన అక్కడికక్కడే మృతి చెందినట్లు తెలుస్తోంది. ఘటనపై పోలీసులు కేసు నమోదు చేసి దర్యాప్తు చేపట్టారు.