మానూర్ మండలం బోరంచ గ్రామంలో ఆషాఢ మాసం సందర్భంగా గ్రామదేవత శ్రీ నల్లపోచమ్మ తల్లి బోనాల పండుగను ఆదివారం భక్తిశ్రద్ధలతో ఘనంగా నిర్వహించారు. మహిళలు తలపై నిండు బోనాలతో ఆలయానికి చేరుకుని అమ్మవారికి బోనాలు సమర్పించారు. డోలు, డప్పుల మోతలు, భక్తిగీతాలతో గ్రామమంతా భక్తిమయంగా మారింది. ఈ సందర్భంగా గ్రామ సర్పంచ్ పంచగామ బీరప్ప, మాజీ సర్పంచ్ రేణుకా పండరి కలిసి ఉత్సాహంగా డ్యాన్స్ చేయడంతో వేడుకల్లో సందడి నెలకొంది. వారి నృత్యం భక్తులు, గ్రామస్తులను విశేషంగా ఆకట్టుకుంది. కులమతాలకు అతీతంగా గ్రామస్తులంతా కలిసిమెలిసి బోనాల వేడుకల్లో పాల్గొని గ్రామ ఐక్యతను చాటుకున్నారు.