చిట్యాల: నల్లగొండ జిల్లా చిట్యాల మండలం ఆరెగూడెం గ్రామంలో నూతనంగా నిర్మించిన గ్రామ పంచాయతీ భవనాన్ని గ్రామ ప్రజల సమక్షంలో ప్రారంభించారు. గ్రామ సర్పంచ్ నాగంపల్లి శ్యాంసుందర్, ఉపసర్పంచ్ రాజుతో పాటు పాలకవర్గ సభ్యులు కలిసి నూతన భవనాన్ని ప్రారంభించారు.

గ్రామ పరిపాలనకు నూతన పంచాయతీ భవనం అందుబాటులోకి రావడంతో గ్రామ ప్రజలకు ప్రభుత్వ సేవలు మరింత సులభంగా అందే అవకాశం ఉంది. గ్రామ అభివృద్ధి కార్యక్రమాలను సమర్థవంతంగా నిర్వహించేందుకు ఈ భవనం ఉపయోగపడనుంది. ఈ కార్యక్రమంలో గ్రామ ప్రజలు పాల్గొన్నారు.