నారాయణఖేడ్‌లోని వాగ్దేవి (జనరల్ & వొకేషనల్) జూనియర్ కళాశాలకు చెందిన ఎం.పి.సి ద్వితీయ సంవత్సరం విద్యార్థి వి. వంశీ అండర్–19 కబడ్డీ విభాగంలో రాష్ట్ర స్థాయి కబడ్డీ జట్టుకు ఎంపికయ్యాడు. తన ప్రతిభ, కృషి, పట్టుదలతో రాష్ట్ర స్థాయి జట్టులో చోటు సంపాదించడం పట్ల కళాశాల యాజమాన్యం, అధ్యాపక బృందం హర్షం వ్యక్తం చేశారు.వంశీ రాష్ట్ర స్థాయిలోనూ అద్భుతంగా రాణించి మంచి ప్రతిభ కనబరచాలని, భవిష్యత్తులో మరిన్ని విజయాలు సాధించి కళాశాలకు, తల్లిదండ్రులకు, నారాయణఖేడ్ ప్రాంతానికి మంచి పేరు తీసుకురావాలని ఆకాంక్షించారు. ఈ సందర్భంగా వంశీకి కళాశాల యాజమాన్యం, అధ్యాపక బృందం హృదయపూర్వక అభినందనలు, శుభాకాంక్షలు తెలిపారు.