చౌటుప్పల్ మున్సిపాలిటీ రాంనగర్ కాలనీలో రాంనగర్ యూత్, వెల్ఫేర్ అసోసియేషన్ ఆధ్వర్యంలో గురువారం అమ్మవారి కుంకుమార్చన కార్యక్రమాన్ని అత్యంత వైభవంగా, ఆధ్యాత్మిక వాతావరణంలో నిర్వహించారు.​ఈ సందర్భంగా కాలనీలోని మహిళలు అధిక సంఖ్యలో పాల్గొని అమ్మవారికి ప్రత్యేక పూజలు, కుంకుమార్చనలు నిర్వహించారు. రాంనగర్ యూత్ సభ్యులు మాట్లాడుతూ.. కాలనీ సంక్షేమం, ప్రజలందరూ ఆయురారోగ్యాలతో వర్ధిల్లాలని కోరుకుంటూ ఈ ఆధ్యాత్మిక కార్యక్రమాన్ని నిర్వహించినట్లు తెలిపారు. ఈ కార్యక్రమంలో యూత్ సభ్యులు, కాలనీవాసులు పెద్ద ఎత్తున పాల్గొన్నారు.