కోదాడ పట్టణంలోని కిట్స్ మహిళా ఇంజనీరింగ్ కళాశాలలో బతుకమ్మ సంబురాలను ఘనంగా నిర్వహించారు. విద్యార్థినులు అమ్మవారి తొమ్మిది అవతారాల్లో అలంకరించుకుని ప్రత్యేక ఆకర్షణగా నిలిచారు. స్వయంగా బతుకమ్మలను పేర్చి తెలంగాణ సంస్కృతి సంప్రదాయాలను చాటారు.

ఈ సందర్భంగా కళాశాల వైస్ చైర్మన్ నీలా అరుణదేవి విద్యార్థినులను అభినందించారు. మున్సిపల్ చైర్‌పర్సన్ ఎర్నేని కుసుమ మాట్లాడుతూ బతుకమ్మ తెలంగాణ సంస్కృతి, సంప్రదాయాలకు ప్రతీక అని అన్నారు. మున్సిపల్ కమిషనర్ రమాదేవి మాట్లాడుతూ ఈ పండుగ ప్రకృతిని ప్రేమించడం, సంప్రదాయాలను గౌరవించడం, ఐకమత్యంతో జీవించడం నేర్పుతుందని తెలిపారు. మున్సిపల్ వైస్ చైర్‌పర్సన్ దేవరపల్లి మల్లేశ్వరి మాట్లాడుతూ బతుకమ్మ తెలంగాణ ఆడపడుచుల ఆత్మీయ వేడుక అని పేర్కొన్నారు.

ఈ కార్యక్రమంలో కళాశాల చైర్మన్ నీలా సత్యనారాయణ, నీలా పాండురమ్మ, ప్రిన్సిపాల్ గాంధీ, అధ్యాపకులు, విద్యార్థినులు పాల్గొన్నారు. బతుకమ్మ ఆటపాటలతో కళాశాల ప్రాంగణం సందడిగా మారింది.