చిట్యాల: నకిరేకల్ నియోజకవర్గ పరిధిలోని చిట్యాల పట్టణ బీజేవైఎం (భారతీయ జనతా యువ మోర్చా) అధ్యక్షుడిగా నియమించినందుకు యైరాల రాహుల్ కృతజ్ఞతలు తెలిపారు. ఈ సందర్భంగా బీజేవైఎం రాష్ట్ర అధ్యక్షుడు కుందేల గణేష్, బీజేపీ నల్గొండ జిల్లా అధ్యక్షుడు నాగం వర్షిత్ రెడ్డి, బీజేవైఎం జిల్లా అధ్యక్షుడు కంబాలపల్లి సతీష్ కుమార్‌లకు హృదయపూర్వక ధన్యవాదాలు తెలియజేశారు. అలాగే చిట్యాల పట్టణ బీజేపీ పార్టీ పెద్దలకు, నాయకులకు, కార్యకర్తలకు ప్రత్యేక కృతజ్ఞతలు తెలిపారు.తనపై నమ్మకంతో అప్పగించిన బాధ్యతను సమర్థవంతంగా నిర్వహిస్తానని, పార్టీ సిద్ధాంతాలను ప్రజల్లోకి తీసుకెళ్తూ యువతను బీజేపీ వైపు ఆకర్షించేందుకు కృషి చేస్తానని రాహుల్ పేర్కొన్నారు. చిట్యాల పట్టణంలో బీజేవైఎంను మరింత బలోపేతం చేయడంతో పాటు పార్టీ అభివృద్ధికి తన వంతు కృషి చేస్తానని ఆయన తెలిపారు.