సంగారెడ్డి జిల్లా నారాయణఖేడ్ నియోజకవర్గం మానూర్ మండలం బోరంచ గ్రామ శివారులో మంజీర నది ఒడ్డున వెలసిన ప్రసిద్ధ శ్రీ నల్లపోచమ్మ అమ్మవారిని మంగళవారం మానూర్ డిప్యూటీ కలెక్టర్ ప్రతిభ శేఖర్(మానూర్ మండలం స్పెషల్ ఆఫీసర్), తహసీల్దార్ విష్ణు సాగర్, డిప్యూటీ తహశీల్దార్ ఆదర్శ్ కుమార్ తో కలిసి దర్శించుకున్నారు. శరన్నవరాత్రి ఉత్సవాల్లో భాగంగా అమ్మవారికి ప్రత్యేక పూజలు నిర్వహించారు. అనంతరం ఆలయ అర్చకులు శ్రీకాంత్ స్వామి, సిద్ధు స్వామి, నాగేష్ స్వామి, ప్రవీణ్ స్వామి అమ్మవారి నైవేద్యాన్ని సమర్పించారు. ఈ సందర్భంగా డిప్యూటీ కలెక్టర్ ప్రతిభ శేఖర్‌ను ఆలయ అర్చకులు శాలువాతో సత్కరించారు. అనంతరం ఆమె మాట్లాడుతూ,అమ్మవారి ఆశీస్సులు మండల ప్రజలతో పాటు మండల ప్రజలందరిపై ఎల్లప్పుడూ ఉండాలని, ప్రతి ఒక్కరూ సుఖసంతోషాలతో, ఆయురారోగ్యాలతో ఉండాలని కోరుకుంటూ ప్రత్యేక పూజలు నిర్వహించినట్లు తెలిపారు.