ఎస్‌ఐ గోపాతి సతీష్‌ బృందానికి ఎస్పీ ఆకాంక్ష్ యాదవ్ ప్రశంసలు.

రామన్నపేట మండలంలో వివిధ దొంగతనం కేసులను ఛేదించడంలో ప్రతిభ కనబరిచిన రామన్నపేట పోలీసులకు జిల్లా ఎస్పీ ఆకాంక్ష్ యాదవ్ ప్రశంసా పత్రాలు అందజేశారు. బంగారు ఆభరణాల చోరీ, రాగి చోరీ, మేకల దొంగతనాలతో పాటు పలు కేసులను ఛేదించడంలో కీలకంగా వ్యవహరించిన ఎస్‌ఐ గోపాతి సతీష్‌తో పాటు పోలీసు సిబ్బందిని ఎస్పీ అభినందించారు.

రామన్నపేట పోలీస్‌స్టేషన్ పరిధిలో చోటుచేసుకున్న వివిధ దొంగతనాల కేసులను ఛేదించేందుకు ఎస్‌ఐ గోపాతి సతీష్‌ ఆధ్వర్యంలో సిబ్బంది సమన్వయంతో పనిచేశారు. కేసుల దర్యాప్తులో చురుకుగా వ్యవహరిస్తూ నిందితులను గుర్తించడంలో కృషి చేశారు. బంగారు ఆభరణాలు, రాగి, మేకల దొంగతనాలతో పాటు ఇతర కేసుల ఛేదనలో చూపిన ప్రతిభను గుర్తించిన ఎస్పీ ఆకాంక్ష పోలీసు బృందానికి ప్రశంసా పత్రాలు అందజేశారు.ఈ సందర్భంగా ఎస్‌ఐ గోపాతి సతీష్‌తో పాటు సిబ్బంది ప్రశాంత్, ప్రవీణ్, సురేష్, సత్యం తదితరులను అభినందించారు. విధి నిర్వహణలో అంకితభావంతో పనిచేస్తూ నేరాల నియంత్రణకు కృషి చేయాలని పోలీసు సిబ్బందికి సూచించారు. ఎస్పీ నుంచి ప్రశంసా పత్రాలు అందుకోవడంపై రామన్నపేట పోలీసు సిబ్బందిలో హర్షం వ్యక్తమైంది.