వెలిమినేడులో భక్తిశ్రద్ధలతో దేవీ నవరాత్రి ఉత్సవాలు.. నేడు అన్నదాన కార్యక్రమం.

చిట్యాల: మండలంలోని వెలిమినేడు గ్రామంలో దేవీ నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా మూడో రోజు శ్రీ కనకదుర్గమ్మవారు అన్నపూర్ణ దేవి అలంకారంలో భక్తులకు దర్శనమిచ్చారు. ఈ సందర్భంగా కాంగ్రెస్ పార్టీ కార్యదర్శి గోలి నరేష్ రజక్ అమ్మవారిని దర్శించుకుని ప్రత్యేక పూజలు నిర్వహించారు.

అన్నపూర్ణ దేవి అలంకారంలో కొలువుదీరిన అమ్మవారిని దర్శించుకునేందుకు భక్తులు తరలివచ్చారు. ఈ సందర్భంగా నేడు సాయంత్రం 6 గంటలకు అన్నదాన కార్యక్రమం నిర్వహించనున్నట్లు గోలి నరేష్ రజక్ తెలిపారు. గ్రామ ప్రజలు పెద్ద సంఖ్యలో పాల్గొని అన్నదాన కార్యక్రమాన్ని విజయవంతం చేయాలని కోరారు.ఈ కార్యక్రమంలో భవానీ మాలధారణ చేసిన భక్తులతో పాటు కమిటీ సభ్యులు లింగస్వామి, వడ్డేపల్లి బన్నీ, గోలి శివ, గుండ్లపల్లి మనీకుమార్, కూరాకుల శివ తదితరులు పాల్గొన్నారు.