ప్రధాన రహదారి వెంబడి భారీ షెడ్లు..

అధికారుల పర్యవేక్షణ ఏదీ?

ప్రభుత్వ ఆదాయానికి గండి పడుతోందా?

పెద్ద అంబర్‌పేట్: మల్కాజిగిరి మున్సిపల్ కార్పొరేషన్ ఎల్బీనగర్ జోన్ పరిధిలోని నాగోల్ సర్కిల్‌లో అక్రమ నిర్మాణాలు జరుగుతున్నాయనే ఆరోపణలు వినిపిస్తున్నాయి. పెద్ద అంబర్‌పేట్ నుంచి కోహెడ వెళ్లే ప్రధాన రహదారి వెంబడి భారీ షెడ్ల నిర్మాణాలు చేపడుతున్నట్లు స్థానికులు పేర్కొంటున్నారు.

ఈ నిర్మాణాలకు మున్సిపల్ అధికారుల అనుమతులు ఉన్నాయా? లేదా? అనే అంశంపై స్పష్టత కరువైంది. ప్రధాన రహదారుల వెంట నిర్మాణాలు కొనసాగుతున్నప్పటికీ సంబంధిత అధికారులు పట్టించుకోవడం లేదనే విమర్శలు వ్యక్తమవుతున్నాయి.

అనుమతులు లేకుండా నిర్మాణాలు చేపడితే ప్రభుత్వ ఆదాయానికి గండి పడే అవకాశం ఉందని స్థానికులు ఆందోళన వ్యక్తం చేస్తున్నారు. ఇప్పటికైనా సంబంధిత మున్సిపల్ అధికారులు స్పందించి, నిర్మాణాల అనుమతులపై విచారణ చేపట్టాలని, నిబంధనల ఉల్లంఘనలు ఉన్నట్లు తేలితే బాధ్యులపై చర్యలు తీసుకోవాలని కోరుతున్నారు.