చిట్యాల మున్సిపాలిటీ అభివృద్ధికి తన వంతు సహకారం అందిస్తానని, అవసరమైన నిధుల మంజూరుకు కృషి చేస్తానని నకిరేకల్ ఎమ్మెల్యే, ప్రభుత్వ విప్ వేముల వీరేశం హామీ ఇచ్చారు.

చిట్యాల మున్సిపాలిటీ నూతన కాంగ్రెస్ టౌన్ కమిటీ సభ్యులు ఆదివారం ఎమ్మెల్యే వేముల వీరేశంను మర్యాదపూర్వకంగా కలిశారు. ఈ సందర్భంగా నూతన కమిటీ సభ్యులకు ఆయన శుభాకాంక్షలు తెలిపారు. పార్టీని క్షేత్రస్థాయిలో బలోపేతం చేయడంతో పాటు, రాష్ట్ర ప్రభుత్వం అమలు చేస్తున్న సంక్షేమ పథకాలను అర్హులైన ప్రతి కుటుంబానికి చేరేలా కృషి చేయాలని సూచించారు.అనంతరం మున్సిపాలిటీ పరిధిలో నెలకొన్న పలు సమస్యలను కమిటీ సభ్యులు ఎమ్మెల్యే దృష్టికి తీసుకెళ్లారు. వాటిపై సానుకూలంగా స్పందించిన ఆయన, సమస్యల పరిష్కారానికి అవసరమైన చర్యలు తీసుకుంటామని భరోసా ఇచ్చారు.ఈ కార్యక్రమంలో చిట్యాల కాంగ్రెస్ పార్టీ నూతన పట్టణ అధ్యక్షుడు ఎద్దులపురి కృష్ణ, మున్సిపల్ చైర్‌పర్సన్ పందిరి గీత రమేష్, వైస్ చైర్మన్ గుండెబోయిన శ్రీలక్ష్మి సైదులు వార్డు కౌన్సిలర్లు, కాంగ్రెస్ నాయకులు, కార్యకర్తలు పాల్గొన్నారు.