ఇంద్రపాలనగరం, అక్టోబర్‌ 11 స్థానికం ప్రతినిధి :

రామన్నపేట మండలంలోని ఇంద్రపాలనగరంలో యువజన సంఘాల ఆధ్వర్యంలో నిర్వహిస్తున్న శ్రీ శ్రీ శ్రీ దుర్గామాత శరన్నవరాత్రి ఉత్సవాలు భక్తిశ్రద్ధలతో ప్రారంభమయ్యాయి. ఉత్సవాల్లో భాగంగా తొలిరోజు బాలా త్రిపురసుందరి దేవి అవతారంలో అమ్మవారు భక్తులకు దర్శనమిచ్చారు. నకిరేకల్‌ మాజీ ఎమ్మెల్యే చిరుమర్తి లింగయ్య అమ్మవారిని దర్శించుకుని ప్రత్యేక పూజలు నిర్వహించారు. నియోజకవర్గ ప్రజలు సుఖసంతోషాలతో, ఆయురారోగ్యాలతో ఉండాలని అమ్మవారిని ప్రార్థించారు.

ఈ కార్యక్రమంలో సర్పంచ్‌ గర్ధాస్‌ విక్రమ్‌, ఉపసర్పంచ్‌ నల్ల జయసుధ స్వామి, మాజీ సర్పంచ్‌ కాటేపల్లి సిద్ధమ్మ యాదయ్య, రేపాక పారిజాత యాదయ్య, పుట్టల లక్ష్మమ్మ ముత్యాలు, బీఆర్‌ఎస్‌ మండల నాయకులు మందడి విద్యాసాగర్‌రెడ్డి, మంటి లింగస్వామి, రాస వెంకటేశం, గర్ధాస్‌ కరుణాకర్‌, నక్క వెంకటేశ్‌, గోళ్లేపల్లి యాదయ్య, చిన్నపాక సురేశ్‌, నీరుడు నరేశ్‌, రాధారపు శ్రీనివాస్‌, ఉత్సవ కమిటీ అధ్యక్షుడు బొల్ల మత్స్యగిరి, పగుడాల ఉపేందర్‌, భువనగిరి మధు, వడ్లకొండ చంద్రశేఖర్‌, జిట్టబోయిన నవీన్‌ తదితరులు పాల్గొన్నారు.