నియోజకవర్గంలోని వివిధ ప్రాంతాలకు చెందిన 136 మంది లబ్ధిదారులకు ముఖ్యమంత్రి సహాయ నిధి చెక్కులను మాజీ మంత్రి, స్థానిక శాసనసభ్యుడు గుంటకండ్ల జగదీష్‌రెడ్డి సోమవారం పంపిణీ చేశారు. సూర్యాపేట జిల్లా కేంద్రంలోని శాసనసభ్యుడి క్యాంపు కార్యాలయంలో ఈ కార్యక్రమం నిర్వహించారు.

ఇటీవల నియోజకవర్గ వ్యాప్తంగా ప్రమాదాలు, అనారోగ్య కారణాలతో ఆస్పత్రుల్లో చికిత్స పొందిన వారికి ముఖ్యమంత్రి సహాయ నిధి ద్వారా మంజూరైన ఆర్థిక సాయాన్ని చెక్కుల రూపంలో అందజేశారు. ఈ సందర్భంగా లబ్ధిదారులతో మాట్లాడిన జగదీష్‌రెడ్డి, వైద్య ఖర్చుల భారం తగ్గించేందుకు ప్రభుత్వం అందిస్తున్న సహాయం ఉపయోగపడుతుందని తెలిపారు.