దసరా పండుగను పురస్కరించుకొని లయన్స్ క్లబ్ నారాయణఖేడ్ ఆధ్వర్యంలో మనూర్ గ్రామపంచాయతీలో పనిచేస్తున్న పారిశుద్ధ్య కార్మికులకు బట్టలు పంపిణీ చేశారు. ఈ సందర్భంగా గ్రామ సర్పంచ్ రమ్య సిద్ధారెడ్డి మాట్లాడుతూ, కార్మికులకు బట్టలు అందజేసిన లయన్స్ క్లబ్ నారాయణఖేడ్ సభ్యులకు గ్రామపంచాయతీ తరఫున హృదయపూర్వక కృతజ్ఞతలు తెలిపారు. సమాజంలో పారిశుద్ధ్య కార్మికుల సేవలు ఎంతో విలువైనవని పేర్కొన్నారు. ఈ కార్యక్రమంలో నారాయణఖేడ్ నియోజకవర్గ యువజన కాంగ్రెస్ అధ్యక్షుడు గంపల సిద్ధారెడ్డి,లయన్స్ క్లబ్ అధ్యక్షుడు సాయి సంగమేశ్వర్, వెంకట్రావు, చంద్రశేఖర్ తదితరులు పాల్గొన్నారు.