రామన్నపేట: తెలంగాణ ఉద్యమకారులకు శాసనమండలిలో ప్రాతినిధ్యం కల్పించాలని తెలంగాణ ఉద్యమకారుల ఫోరం (TUF) నాయకులు డిమాండ్ చేశారు. ఈ మేరకు రాష్ట్ర అధ్యక్షుడు డాక్టర్ చీమ శ్రీనివాస్ ఆధ్వర్యంలో ఆదివారం రామన్నపేటలో ‘మన ఓటు–మన గొంతుక’ కార్యక్రమాన్ని నిర్వహించారు. తెలంగాణ రాష్ట్ర సాధన కోసం ఉద్యమకారులు చేసిన త్యాగాలను గుర్తించి, చట్టసభల్లో వారికి అవకాశం కల్పించాలని కోరారు.

కార్యక్రమంలో రాష్ట్ర ఉపాధ్యక్షుడు జోగు అంజయ్య, మైనార్టీ సెల్ రాష్ట్ర అధ్యక్షుడు ఎస్.కే. చాంద్, మండల అధ్యక్షుడు నోముల శంకర్, ఉపాధ్యక్షుడు బొడ్డుపల్లి లింగయ్య, జిల్లా నాయకులు రెబ్బాసు రాములు, డాక్టర్ కొండ మల్లేశం గౌడ్, గడ్డం యాదగిరి, చోల్లేటి పాండురంగాచారి, మాజీ ఉపసర్పంచ్ గంగాపురం యాదయ్య, మద్దే గాల నరసింహ, కైరం కొండ సంతోష్, పెండం రవీందర్, స్కైలాబ్, బిక్షం తదితరులు పాల్గొన్నారు

.