మన్సూరాబాద్, అక్టోబర్ 11: యోధా గోజు ర్యూ స్పోర్ట్స్ కరాటే డూ ఆర్గనైజేషన్ ఆధ్వర్యంలో మన్సూరాబాద్‌లోని శ్రీరామ్ హిల్స్ కాలనీలో ఆదివారం కరాటే బెల్ట్ పరీక్ష నిర్వహించారు. ఈ పరీక్షలో సుమారు 60 మంది విద్యార్థులు పాల్గొని తమ నైపుణ్యాలను ప్రదర్శించారు. పరీక్షలో ఉత్తీర్ణులైన వారికి బెల్టులు, సర్టిఫికెట్లు అందజేశారు.

కరాటే మాస్టర్లు పి.ఎం. రాము, బి. రాము, ఎ. సతీష్, అరుణ్ విద్యార్థుల ప్రతిభను పరిశీలించి అభినందించారు. కరాటే సాధనతో ఆత్మరక్షణతో పాటు శారీరక దృఢత్వం, మానసిక స్థైర్యం, క్రమశిక్షణ అలవడతాయని తెలిపారు. విద్యార్థులను కరాటేలో ప్రోత్సహిస్తున్న తల్లిదండ్రులకు నిర్వాహకులు కృతజ్ఞతలు తెలిపారు.