సదాశివపేట పట్టణంలోని సిద్ధాపూర్ 7వ వార్డు కాలనీవాసులు స్మశాన వాటిక కోసం ప్రభుత్వ స్థలం కేటాయించాలని కోరుతూ సోమవారం జిల్లా కలెక్టర్‌కు వినతి పత్రం సమర్పించారు.వార్డులో ఎవరైనా మృతి చెందినప్పుడు అంత్యక్రియలు నిర్వహించేందుకు సరైన స్థలం లేక తీవ్ర ఇబ్బందులు ఎదుర్కొంటున్నామని తెలిపారు. ప్రస్తుతం విధిలేని పరిస్థితుల్లో సొంత పొలాలు, చేలల్లో అంత్యక్రియలు నిర్వహించాల్సి వస్తోందని ఆవేదన వ్యక్తం చేశారు.ప్రజల ఇబ్బందులను దృష్టిలో ఉంచుకుని సిద్ధాపూర్ 7వ వార్డుకు అనుకూలమైన ప్రభుత్వ స్థలాన్ని గుర్తించి స్మశాన వాటికకు కేటాయించాలని కలెక్టర్‌ను కోరారు.ఈ కార్యక్రమంలో పి. విష్ణువర్ధన్ రెడ్డి, మాజీ సర్పంచ్ గొల్ల కృష్ణయ్య, మంగలి ఆంజనేయులు, అనంతరం గౌడ్, మున్నూరు శేఖర్, జంబ విశ్వనాథం, జంగం శేఖర్, ఎరుకలి రాజు, ఎండి అయూబ్ పాషా, ఎండి నయూం, ఎండి ఖైరతాలి తదితరులు పాల్గొన్నారు.