సంగారెడ్డి జిల్లా నారాయణఖేడ్ నియోజకవర్గం మానూర్ మండలం బోరంచ గ్రామంలో ఆదివారం శరన్నవరాత్రి ఉత్సవాలు అంగరంగ వైభవంగా ప్రారంభమయ్యాయి. మొదటి రోజు అమ్మవారు బాలా త్రిపురసుందరి దేవి అవతారంలో భక్తులకు దర్శనమివ్వగా, గ్రామానికి చెందిన శ్రీనివాస్ గౌడ్ దంపతులు ప్రత్యేక పూజల్లో పాల్గొన్నారు. గ్రామ పెద్దలు, గ్రామస్తులు, యువత ఆధ్వర్యంలో మూడో సంవత్సరం ఈ ఉత్సవాలను నిర్వహిస్తున్నట్లు నిర్వాహకులు తెలిపారు. నవరాత్రి ఉత్సవాల సందర్భంగా ప్రతిరోజూ అమ్మవారికి ప్రత్యేక పూజలు, ఆధ్యాత్మిక కార్యక్రమాలు నిర్వహించనున్నట్లు పేర్కొన్నారు. ఈ కార్యక్రమంలో బోరంచ హిందూసేన నిర్వాహకులు, గ్రామ పెద్దలు, గ్రామస్తులు, యువత తదితరులు పాల్గొన్నారు

.