మునగాల మండల పరిధిలోని మంగళవారం నారాయణగూడెం గ్రామంలో ఇందిరమ్మ ఇళ్ల పథకం లబ్ధిదారులకు సంబంధించిన పత్రాలను గ్రామ సర్పంచ్ కాంపాటి వెంకట్ అందజేశారు.ఈ సందర్భంగా సర్పంచ్ కాంపాటి వెంకట్ మాట్లాడుతూ, ఇందిరమ్మ ఇళ్ల పథకం పేద కుటుంబాల సొంతింటి కలను సాకారం చేసేందుకు ఎంతగానో దోహదపడుతుందని తెలిపారు. అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తామని పేర్కొన్నారు.ప్రజలు ప్రభుత్వ పథకాలను సద్వినియోగం చేసుకొని, గ్రామ అభివృద్ధికి సహకరించాలని కోరారు.

ఈ కార్యక్రమంలో MPO నరేష్, ఉపసర్పంచ్, పంచాయతీ కార్యదర్శి, వార్డు సభ్యులు, గ్రామపెద్దలు, ఇందిరమ్మ ఇళ్ల లబ్ధిదారులు పాల్గొన్నారు.