మున్సిపల్ చైర్‌పర్సన్ మొగుదాల పావని రమేష్ గౌడ్

రహదారి పనులపై అఖిలపక్ష సమావేశం, క్షేత్రస్థాయి పరిశీలన

జాతీయ రహదారి–65పై బ్రిడ్జి నిర్మాణ పనుల కారణంగా పండుగ వేళ ప్రజలు, వాహనదారులు, వ్యాపారులు తీవ్ర ఇబ్బందులు ఎదుర్కొంటున్నారని, వారికి ఎలాంటి అంతరాయం కలగకుండా తక్షణ చర్యలు చేపట్టాలని చౌటుప్పల్ మున్సిపల్ చైర్‌పర్సన్ మొగుదాల పావని రమేష్ గౌడ్ అధికారులను ఆదేశించారు. చౌటుప్పల్ మున్సిపల్ కార్యాలయంలో ఆమె ఆధ్వర్యంలో మంగళవారం అఖిలపక్ష సమావేశం నిర్వహించారు.​ఈ సందర్భంగా చైర్‌పర్సన్ మాట్లాడుతూ.. చిన్న కొండూరు రోడ్డు నుంచి తంగడపల్లి రోడ్డుకు రాకపోకల మార్గాన్ని తక్షణమే పునరుద్ధరించాలని, అలాగే వలిగొండ రోడ్డు వద్ద యూటర్న్ సదుపాయాన్ని అందుబాటులోకి తీసుకురావాలని స్పష్టం చేశారు. ఈ రెండు మార్గాల ద్వారా రాకపోకలు సులభతరం చేయాలని సమావేశంలో ఏకగ్రీవంగా తీర్మానించారు.​అనంతరం కౌన్సిలర్లు, అఖిలపక్ష నాయకులు, జాతీయ రహదారి నిర్మాణ సంస్థ ప్రతినిధులు వి.ఆర్. జోషితో కలిసి క్షేత్రస్థాయిలో పనులను పరిశీలించారు. పట్టణ అభివృద్ధితో పాటు ప్రజల ప్రయాణ సౌకర్యాలు, వ్యాపారుల ప్రయోజనాలను దృష్టిలో ఉంచుకొని జాతీయ రహదారి సంస్థ అధికారులు సమన్వయంతో పనిచేయాలని కోరారు. సమావేశంలో ట్రాఫిక్ ఎస్ఐలు సైదిరెడ్డి, ఆంజనేయులు, కౌన్సిలర్లు పాక చిరంజీవి యాదవ్, బద్రి గాలయ్య, కో-ఆప్షన్ సభ్యులు పస్తం గంగారాములు, మున్సిపల్ కాంగ్రెస్ పార్టీ అధ్యక్షులు కాసర్ల శ్రీనివాస్ రెడ్డి, జిల్లా కాంగ్రెస్ కార్యదర్శి చింతల సాయిలు, నాయకులు బత్తుల దాసు, దేప రాజు, బత్తుల శ్రీశైలం, కామిశెట్టి భాస్కర్, ఊదరి యాదయ్య, సిపిఐ నాయకులు పగిళ్ల మోహన్ రెడ్డి, బిజెపి నాయకులు అన్నమోని గోవిందు, గుజ్జుల సురేందర్ రెడ్డి, కంచర్ల గోవర్ధన్ రెడ్డి, కాసుల వెంకటేశం, శ్యామ్ ప్రసాద్, చెరుకు శివకుమార్, ఉస్కాగుల శీను, జనసేన నాయకులు ప్రవీణ్, కిరాణా అసోసియేషన్ అధ్యక్షులు కామిశెట్టి వెంకటేష్, కామిశెట్టి చంద్రశేఖర్, అలిసేరు వీరాస్వామి, పోలోజు మాధవచారి తదితరులు పాల్గొన్నారు.