నారాయణఖేడ్ నియోజకవర్గం కంగ్టి మండలం ముర్కుంజాల్ గ్రామ చర్చిలో మంగళవారం పాస్టర్ రమేష్ ఆధ్వర్యంలో యువత కోసం ప్రత్యేక సమావేశం నిర్వహించారు. నీ జీవితాన్ని ఎవరు నడిపిస్తున్నారు? సోషల్ మీడియానా, వ్యసనాలా, చెడు అలవాట్లా.. లేక దేవుడా? అనే అంశంపై యువతకు అవగాహన కల్పించారు. ఈ సందర్భంగా వక్తలు మాట్లాడుతూ, యువత సోషల్ మీడియా ప్రభావం, వ్యసనాలు, చెడు స్నేహాలకు దూరంగా ఉంటూ చదువు, ఉద్యోగం, జీవిత లక్ష్యాలపై దృష్టి పెట్టాలని సూచించారు. నిజాయితీ, క్రమశిక్షణ, ఆత్మవిశ్వాసంతో ముందుకు సాగుతూ మంచి అలవాట్లను పెంపొందించుకోవాలని తెలిపారు. ఆధ్యాత్మిక విలువలు, ప్రార్థన, కుటుంబ సభ్యుల మార్గదర్శకత్వంతో జీవితంలో మంచి మార్పులు సాధించవచ్చని పేర్కొన్నారు. ఈ కార్యక్రమంలో ఆధ్యాత్మిక సందేశాలతో పాటు అన్నదానం నిర్వహించారు.