మంత్రి ఉత్తమ్ కుమార్ రెడ్డి, ఎమ్మెల్యే పద్మావతి రెడ్డి కృషితో నాలుగు రహదారులకు నిధులు

కోదాడ నియోజకవర్గంలో నాలుగు ప్రధాన రహదారుల విస్తరణ, పటిష్టీకరణకు రాష్ట్ర ప్రభుత్వం మంగళవారం రూ.52.50 కోట్ల నిధులు మంజూరు చేసింది. ఈ మేరకు జీవో ఆర్టీ నంబర్ 533 జారీ చేస్తూ పరిపాలనా అనుమతులు కల్పించింది.

పాత జాతీయ రహదారి–9 నుంచి కొండాపురం వరకు రూ.27 కోట్లు, బేతవోలు నుంచి ఆచార్యులగూడెం వరకు రూ.13.50 కోట్లు, పీడబ్ల్యూడీ రోడ్డు నుంచి కిష్టాపురం వరకు రూ.4.50 కోట్లు, పీడబ్ల్యూడీ రోడ్డు నుంచి రామలక్ష్మీపురం వరకు రూ.7.50 కోట్లు కేటాయించారు.మంత్రి ఉత్తమ్ కుమార్ రెడ్డి, ఎమ్మెల్యే నలమాద పద్మావతి రెడ్డిల కృషితో ఈ నిధులు మంజూరయ్యాయని పేర్కొన్నారు. ఈ పనులతో గ్రామీణ ప్రాంతాల్లో రవాణా సౌకర్యాలు మెరుగుపడనున్నాయి. నిధుల మంజూరుపై స్థానిక ప్రజాప్రతినిధులు, కాంగ్రెస్ నాయకులు హర్షం వ్యక్తం చేశారు.