సూర్యాపేట జిల్లా ఎస్పీ కె. నరసింహ ఐపీఎస్ ఆదేశాల మేరకు ద్వారకుంట గ్రామంలో మంగళవారం కోదాడ రూరల్ ఎస్‌ఐ యాకూబ్ ఆధ్వర్యంలో పోలీస్ కళాబృందం ద్వారా సైబర్ నేరాలు, రోడ్డు ప్రమాదాల నివారణ, షీ టీమ్స్‌పై అవగాహన కార్యక్రమం నిర్వహించారు.ఈ సందర్భంగా ఎస్‌ఐ యాకూబ్ మాట్లాడుతూ బ్యాంక్ ఖాతా వివరాలు, ఏటీఎం పిన్, ఓటీపీ ఇతరులతో పంచుకోవద్దని, గుర్తుతెలియని లింకులను క్లిక్ చేయవద్దని సూచించారు. సైబర్ మోసానికి గురైతే 1930కు, వేధింపులపై 112కు సమాచారం అందించాలని కోరారు. యువత మత్తు పదార్థాలు, చెడు వ్యసనాలకు దూరంగా ఉండాలని, రోడ్డు భద్రతా నియమాలు పాటించాలని తెలిపారు.ఈ కార్యక్రమంలో గ్రామ సర్పంచ్ సురేష్, పోలీస్ సిబ్బంది, పోలీస్ కళాబృందం సభ్యులు, గ్రామ ప్రజలు పాల్గొన్నారు.