పురపాలక సంఘం ఆధ్వర్యంలో శోభాయాత్ర.. అలరించిన ఆటపాటలు

ఎమ్మెల్యే రాజగోపాల్‌రెడ్డి సహకారంతో మోడల్ మున్సిపాలిటీగా తీర్చిదిద్దుతాం: చైర్‌పర్సన్ పావని రమేష్ గౌడ్

చౌటుప్పల్ పురపాలక సంఘం ఆధ్వర్యంలో తెలంగాణ సంస్కృతీ సంప్రదాయాలకు ప్రతీకైన బతుకమ్మ సంబరాలను బుధవారం అత్యంత వైభవంగా, భక్తిశ్రద్ధలతో నిర్వహించారు. మున్సిపల్ చైర్‌పర్సన్ మొగుదాల పావని రమేష్ గౌడ్ సారథ్యంలో నిర్వహించిన ఈ వేడుకల్లో పట్టణ మహిళలు, ప్రజాప్రతినిధులు, అధికారులు, మహిళా సంఘాల సభ్యులు పెద్ద సంఖ్యలో పాల్గొని కార్యక్రమాన్ని విజయవంతం చేశారు. ​పట్టణంలోని వివిధ వార్డుల నుంచి కౌన్సిలర్లు, మహిళలు బతుకమ్మలతో తరలిరాగా.. శ్రీ సీతారామచంద్రస్వామి ఆలయం నుంచి గాంధీ పార్క్ వరకు కన్నులపండువగా శోభాయాత్ర నిర్వహించారు. అనంతరం గాంధీ పార్క్‌లో మహిళలందరూ ఒకచోట చేరి సంప్రదాయబద్ధంగా బతుకమ్మలను పేర్చి, ఉత్సాహంగా ఆటపాటలతో సందడి చేశారు.ఈ సందర్భంగా చైర్‌పర్సన్ మొగుదాల పావని రమేష్ గౌడ్ మాట్లాడుతూ.. బతుకమ్మ పండుగ తెలంగాణ ఆడపడుచుల ఆత్మగౌరవానికి, ప్రకృతి ఆరాధనకు, ఐకమత్యానికి ప్రతీక అని పేర్కొన్నారు. పట్టణ ప్రజలందరూ సుఖసంతోషాలు, ఆయురారోగ్యాలతో వర్ధిల్లాలని ఆకాంక్షించారు. శాసనసభ్యులు కోమటిరెడ్డి రాజగోపాల్ రెడ్డి సహకారంతో చౌటుప్పల్‌ను పరిశుభ్రత, పచ్చదనం, మౌలిక సదుపాయాల కల్పనలో రాష్ట్రంలోనే ఆదర్శ పురపాలక సంఘంగా తీర్చిదిద్దేందుకు కృషి చేస్తానని హామీ ఇచ్చారు. ఈ వేడుకల్లో మున్సిపల్ కమిషనర్ ఎం. వెంకటేశ్వర నాయక్, వైస్ చైర్మన్ గోశిక వినయ్ కుమార్, కౌన్సిలర్లు కొసనం రాకేష్ రెడ్డి, పోలేపల్లి లక్ష్మి, పల్లె లావణ్య, ఉదరి యాదయ్య, కొయ్యడ శేఖర్, ఆలె శ్రీలత, కాసర్ల మంజుల, బద్రి గాలయ్య, దేప రమ్య, పాక చిరంజీవి, బత్తుల వాణి, ఉడుగు జ్యోతి, గడ్డం ఇందిర, బత్తుల జయమ్మ, చింతల ఉమామహేశ్వరి, బుడ్డ సురేష్, పిల్లలమర్రి మధుసూదన్, హన్ను మహమ్మద్,​ కో-ఆప్షన్ సభ్యులు పస్తం గంగారాములు, సందగళ్ల విజయ, మహమ్మద్ బాబా షరీఫ్, షేక్ నబీబి, మున్సిపల్ మేనేజర్ శ్రీధర్ రెడ్డి, ఆర్.ఓ. అంజయ్య, పర్యావరణ ఇంజనీర్ రేణు కుమార్, కార్యాలయ సిబ్బంది, పారిశుధ్య కార్మికులు, ఆర్‌పీలు, స్వయం సహాయక సంఘాల మహిళలు, పట్టణ ప్రజలు విశేష సంఖ్యలో పాల్గొన్నారు.