నల్లగొండ–ఖమ్మం–వరంగల్ ఎమ్మెల్సీ ఓటరు నమోదు ప్రక్రియలో భాగంగా మునగాల మండల యూత్ కాంగ్రెస్ ఆధ్వర్యంలో గురువారం ఓటరు అవగాహన కార్యక్రమాలు నిర్వహించారు. మండల కేంద్రంలోని కాంగ్రెస్ పార్టీ కార్యాలయంలో మండల కాంగ్రెస్ అధ్యక్షుడు కాసర్ల కోటేశ్వరరావు యూత్ కాంగ్రెస్ జెండా ఊపి కార్యక్రమాన్ని ప్రారంభించారు.

అనంతరం మండల పరిధిలోని గణపవరం, తిమ్మారెడ్డిగూడెం, కొక్కిరేణి గ్రామాల్లో ఓటరు నమోదు ప్రక్రియపై అవగాహన సమావేశాలు నిర్వహించారు.ఈ సందర్భంగా కొక్కిరేణి గ్రామంలో కాంగ్రెస్ పార్టీ సీనియర్ నాయకుడు పోటు అశోక్ కుమార్ నివాసంలో ఏర్పాటు చేసిన సమావేశంలో నాయకులు మాట్లాడారు. ఎమ్మెల్సీ ఓటరు నమోదుపై అర్హులకు అవగాహన కల్పించి, నమోదు ప్రక్రియలో పాల్గొనేలా చైతన్యపరచాలని సూచించారు. రానున్న ఎమ్మెల్సీ ఎన్నికల్లో పార్టీ అభ్యర్థి రామ్ రెడ్డి సర్వోత్తమ్ రెడ్డి గెలుపు కోసం నాయకులు, యూత్ కాంగ్రెస్ కార్యకర్తలు, అనుబంధ సంఘాల బాధ్యులు సమన్వయంతో పనిచేయాలని పోటు అశోక్ కుమార్ పిలుపునిచ్చారు.ఈ కార్యక్రమంలో యూత్ కాంగ్రెస్ జిల్లా ప్రధాన కార్యదర్శి విజయ భాస్కర్, కోదాడ నియోజకవర్గ అధ్యక్షుడు మహమ్మద్ అజీమ్, నర్రా నవీన్ రెడ్డి, మండల అధ్యక్షుడు తక్కెలపాటి సాయి, జిల్లెపల్లి శ్రీనివాస్, గోపిరెడ్డి అశోక్ రెడ్డి, కలకోట్ల విజయ్, వెంకటేష్, పొన్నం వెంకటరమణ, గ్రామ వార్డు సభ్యులు, బూత్ లెవల్ ఏజెంట్లు, యూత్ కాంగ్రెస్ నాయకులు పాల్గొన్నారు.