నారాయణఖేడ్ నియోజకవర్గంలోని కంగ్టి మండల కేంద్రంలో మైనారిటీ వర్గాల కోసం ఫంక్షన్ హాల్ నిర్మాణానికి కీలక ముందడుగు పడింది. ఫంక్షన్ హాల్ నిర్మాణానికి 10 గుంటల స్థలాన్ని కేటాయించడంతో పాటు రూ.10 లక్షల నిధులు మంజూరయ్యాయి. దీనికి సంబంధించిన భూమి పత్రాలు, నిధుల మంజూరు పత్రాలను ఎమ్మెల్యే డాక్టర్ పట్లోళ్ల సంజీవరెడ్డి తన నివాసంలో మైనారిటీ వర్గాల ప్రతినిధులకు అందజేశారు. ఫంక్షన్ హాల్ నిర్మాణం పూర్తయితే మైనారిటీ వర్గాల ప్రజలు వివాహాలు, శుభకార్యాలు, సమావేశాలు, ఇతర సామాజిక కార్యక్రమాలను సౌకర్యవంతంగా నిర్వహించుకునే అవకాశం కలుగుతుందని ప్రతినిధులు తెలిపారు. తమ అవసరాన్ని గుర్తించి స్థలం కేటాయించి, నిధులు మంజూరు చేయించిన ఎమ్మెల్యేకు వారు కృతజ్ఞతలు తెలిపారు. మైనారిటీ వర్గాల సంక్షేమం, అభివృద్ధికి అవసరమైన సహకారం అందిస్తామని ఎమ్మెల్యే పేర్కొన్నారు. ఈ కార్యక్రమంలో కే. రాజు, కే. శ్రీనివాసరెడ్డి, పి. మనోజ్ పటేల్, గఫార్ సాబ్, పాషుమియా, జానీ సాబ్, మైతాబ్ అలీ, ఇస్మాయిల్ సాబ్, గౌసొద్దీన్, హాజీ మైనుద్దీన్, మహమ్మద్ సాబ్, మోయిన్, బోలెసాబ్, షేక్ జలీల్ తదితరులు పాల్గొన్నారు.