మండల పరిధిలోని తూప్రాన్‌పేట్ సమీపంలో శనివారం రాత్రి జరిగిన రోడ్డు ప్రమాదంలో గుర్తుతెలియని వ్యక్తి తీవ్ర గాయాలతో అక్కడికక్కడే మృతి చెందాడు.పోలీసుల కథనం ప్రకారం... శనివారం రాత్రి సుమారు 10 గంటల సమయంలో తూప్రాన్‌పేట్ ప్రాంతంలో రోడ్డు దాటుతుండగా ప్రమాదం జరిగింది. తీవ్రంగా గాయపడిన వ్యక్తి అక్కడికక్కడే ప్రాణాలు కోల్పోయాడు. మృతుడి వద్ద ఎలాంటి గుర్తింపు పత్రాలు లభించలేదని చౌటుప్పల్ పోలీసులు తెలిపారు. మృతదేహాన్ని చౌటుప్పల్ ప్రభుత్వ ఆసుపత్రి మార్చురీకి తరలించి, కేసు నమోదు చేసి దర్యాప్తు జరుపుతున్నారు.

​వయస్సు సుమారు 30 నుండి 40 సంవత్సరాలు, దాదాపు 5.5 అడుగులు, గులాబీ రంగు చొక్కా, నలుపు రంగు ప్యాంటు

కుడిచేతిపై ‘అమ్మ’ అని పచ్చబొట్టు (టాటూ) ఉంది.మృతుడికి సంబంధించిన వివరాలు గానీ, ఆయన కుటుంబ సభ్యుల సమాచారం గానీ తెలిసిన వారు చౌటుప్పల్ పోలీస్ స్టేషన్ లేదా +91 8712662744 నంబర్‌ను సంప్రదించాలని చౌటుప్పల్ సీఐ మన్మధకుమార్ విజ్ఞప్తి చేశారు.