ఎవరికైనా దొరికితే తిరిగి అందించాలని యువకుడి విజ్ఞప్తి.

చిట్యాల:

హైదరాబాద్‌లోని వనస్థలిపురం ప్రాంతానికి చెందిన భీమవరపు వెంకటేష్‌కు చెందిన విలువైన విద్యా ధృవపత్రాలు ఉన్న బ్యాగ్ శివనేనిగూడెం–చిట్యాల మార్గంలో పోగొట్టుకోవడం జరిగింది. తన మిత్రుడిని కలిసేందుకు శివనేనిగూడెం గ్రామానికి వెళ్లిన వెంకటేష్, తిరుగు ప్రయాణంలో శివనేనిగూడెం నుంచి చిట్యాల బస్టాప్‌కు వస్తున్న సమయంలో బ్యాగ్ కనిపించకుండా పోయినట్లు తెలిపారు.పోగొట్టుకున్న బ్యాగ్‌లో ఇంటర్మీడియట్ మెమో, ట్రాన్స్‌ఫర్ సర్టిఫికేట్ (టీసీ), ఆధార్ కార్డు, ఇతర ముఖ్యమైన విద్యా సంబంధిత పత్రాలు ఉన్నాయని చెప్పారు. ఈ ధృవపత్రాలు తన ఉన్నత విద్య, ఉద్యోగ అవకాశాలకు అత్యంత కీలకమైనవని ఆవేదన వ్యక్తం చేశారు.

బ్యాగ్ లేదా అందులోని పత్రాలు ఎవరికైనా దొరికితే మానవత్వంతో తిరిగి అందించాలని, లేదా సమాచారం ఇవ్వాలని వెంకటేష్ కోరారు. 9391308811 నంబర్‌కు సంప్రదించాలని విజ్ఞప్తి చేశారు.

"బ్యాగ్ లేదా అందులోని పత్రాలను తిరిగి అందించిన వారి సహకారాన్ని జీవితాంతం మరువను" అని వెంకటేష్ భావోద్వేగంగా తెలిపారు.