రాఖీ పౌర్ణమి పర్వదినాన్ని పురస్కరించుకొని జహీరాబాద్ ఎంపీ సురేష్ కుమార్ షేట్కార్‌కు ఆయన సోదరి ప్రవీణ శుక్రవారం రాఖీ కట్టారు. హైదరాబాద్‌లోని ఎంపీ నివాసానికి వెళ్లిన ఆమె సోదరుడికి రాఖీ కట్టి, మిఠాయిలు తినిపించి రాఖీ పౌర్ణమి శుభాకాంక్షలు తెలిపారు. ఈ సందర్భంగా అన్నాచెల్లెళ్ల మధ్య ఉన్న ఆప్యాయత, అనురాగం, ప్రేమానుబంధాలు ఎల్లప్పుడూ ఇలాగే కొనసాగాలని ఆకాంక్షించారు. అనంతరం ఎంపీ సురేష్ కుమార్ షేట్కార్ తన సోదరికి కానుకలు అందజేసి, ఆమె ఆశీర్వాదాలు తీసుకున్నారు. రాఖీ పౌర్ణమి సందర్భంగా అన్నాచెల్లెళ్ల ఆత్మీయతకు ప్రతీకగా జరిగిన ఈ వేడుక కుటుంబ సభ్యుల్లో ఆనందాన్ని నింపింది.