రాఖీ పౌర్ణమి సందర్భంగా బ్రహ్మకుమారి సంస్థకు చెందిన మహిళలు, వివిధ పాఠశాలల విద్యార్థినులు పటాన్ చెరు పోలీస్ స్టేషన్‌ను సందర్శించి ఇన్‌స్పెక్టర్‌కు ఆత్మీయంగా రాఖీలు కట్టారు. ఈ సందర్భంగా ఇన్‌స్పెక్టర్ మాట్లాడుతూ రాఖీ పండుగ అన్నాచెల్లెళ్ల మధ్య ప్రేమ, ఆప్యాయతలకు ప్రతీకగా నిలుస్తుందని తెలిపారు. మహిళలు, బాలికల భద్రతకు పోలీస్ శాఖ ఎల్లప్పుడూ అండగా ఉంటుందని, ప్రతి ఒక్కరూ మహిళల భద్రతపై అవగాహన పెంచుకోవాలని సూచించారు. అనంతరం బ్రహ్మకుమారి సంస్థ సభ్యులు, విద్యార్థినులకు రాఖీ పౌర్ణమి శుభాకాంక్షలు తెలిపారు. ఈ కార్యక్రమం పోలీస్–ప్రజల మధ్య స్నేహపూర్వక సంబంధాలకు ప్రతీకగా నిలిచింది.