హైదరాబాద్‌లోని చిక్కడపల్లి త్యాగరాయ గానసభలో ‘శ్రీ మహాశాస్త్ర సేవా సంఘం’ ఆధ్వర్యంలో ఆదివారం గురు పురస్కార అవార్డు మహోత్సవం వైభవంగా జరిగింది. సంఘం వ్యవస్థాపకులు సూదగాని రాజు గురుస్వామి అధ్యక్షతన నిర్వహించిన ఈ కార్యక్రమంలో చౌటుప్పల్ శ్రీ సత్యదేవ సహిత అయ్యప్పస్వామి దేవాలయ వ్యవస్థాపక చైర్మన్ బొబ్బిళ్ళ మురళీ గురుస్వామి 'ఉత్తమ గురు పురస్కారం' అందుకున్నారు. ​సాక్షాత్ అయ్యప్ప వంశస్థులు, శబరిమలైకి చెందిన పందల రాజకుటుంబీకులు తిరునాల్ సురేష్ వర్మ చేతుల మీదుగా ఈ అవార్డును మురళీ గురుస్వామికి బహుకరించారు. ఆధ్యాత్మిక సేవలో విశేష కృషి చేస్తున్నందుకు గాను ఆయనకు ఈ గౌరవం దక్కింది.​ఈ కార్యక్రమంలో డాక్టర్ బాలరాజు గురుస్వామి, ప్రదీప్ తంత్రి గురుస్వామి, తంగవేలు సంతోష్ గురుస్వామి, భరణి వెంకటేష్ గురుస్వామి, తెలంగాణ, ఆంధ్రప్రదేశ్, తమిళనాడు, కర్ణాటక రాష్ట్రాల నుంచి విచ్చేసిన 118 మంది గురుస్వాములకు ఈ సందర్భంగా గురు పురస్కారాలు, అన్నపూర్ణ అవార్డులను ప్రధానం చేశారు.