చిట్యాల: వర్షాలు సమృద్ధిగా కురవాలని కోరుతూ చిట్యాల మండలం నేరడ గ్రామపంచాయతీ పరిధిలోని సూదిరెడ్డిగూడెం గ్రామస్థులు సంప్రదాయబద్ధంగా కప్పకాముడు కార్యక్రమాన్ని నిర్వహించారు. చిన్నారులతో కలిసి గ్రామస్థులు కప్పకాముడు ఆడుతూ, సంప్రదాయ పాటలు పాడుతూ వరుణదేవుడిని వేడుకున్నారు.ఈ సందర్భంగా గ్రామస్థులు మాట్లాడుతూ.. గతంలో ఈ సమయానికి విస్తారంగా వర్షాలు కురిసి చెరువులు, కుంటలు జలకళను సంతరించుకునేవని తెలిపారు. ప్రస్తుతం అందుకు భిన్నమైన పరిస్థితులు నెలకొన్నాయని, ఎల్‌నినో ప్రభావంతో భూగర్భ జలాలు అడుగంటిపోయి బోర్లు వేసినా నీరు పడని దుస్థితి నెలకొందని ఆవేదన వ్యక్తం చేశారు. వర్షాభావంతో అన్నదాతలు పడుతున్న ఇబ్బందులను చూసి దేవుడు కరుణించి సమృద్ధిగా వర్షాలు కురిపించాలని కప్పకాముడు నిర్వహించి ప్రార్థనలు చేసినట్లు తెలిపారు.ఈ కార్యక్రమంలో సూది రెడ్డి వసంత, మెండే కేతమ్మ, ఈశ్వరమ్మ, జాల పద్మ, మంజుల, పద్మ, చిరబోయిన జయమ్మ, శోభ, సువర్ణ, పర్వతమ్మ, సునీత తదితరులు పాల్గొన్నారు.