విగ్రహానికి పూలమాలలు వేసి నివాళులర్పించిన ఈఎల్ వి భాస్కర్

​బహుజన వీరుడు, తెలంగాణ పౌరుషానికి ప్రతీక సర్దార్ సర్వాయి పాపన్న గౌడ్ జయంతి వేడుకలను చౌటుప్పల్ మున్సిపాలిటీ పరిధిలోని తంగడిపల్లి సర్దార్ సర్వాయి పాపన్న చౌరస్తా వద్ద మంగళవారం ఘనంగా నిర్వహించారు. ఈ సందర్భంగా చౌరస్తాలోని ఆయన విగ్రహానికి ఈ ఎల్ వి భాస్కర్ పూలమాలలు వేసి ఘనంగా నివాళులర్పించారు.​అనంతరం వారు మాట్లాడుతూ... అణచివేతపై తిరుగుబాట బావుటా ఎగురవేసి, సామాజిక న్యాయం, బహుజన రాజ్యస్థాపన కోసం పోరాడిన యోధుడు సర్వాయి పాపన్న అని కొనియాడారు. ఆయన పోరాట పటిమ, ఆశయాలు నేటి తరానికి ఎంతో స్ఫూర్తిదాయకమని అన్నారు. ఈ కార్యక్రమంలో నాయకులు చెరుకు శివకుమార్ గౌడ్, దేవేందర్ గౌడ్, అలె చిరంజీవి, బుడ్డా సురేష్, ఉపసర్పంచ్ వెంకటేష్, మార్గం శివ, ప్రవీణ్ గౌడ్, గౌడ కుల పెద్దలు, నియోజకవర్గ, మున్సిపల్ పరిధిలోని గౌడ కుల నాయకులు, కార్యకర్తలు భారీ సంఖ్యలో పాల్గొన్నారు.