నారాయణఖేడ్ నియోజకవర్గంలోని కంగ్టి మండల కేంద్రంలో సర్దార్ పాపన్న గౌడ్ జయంతి వేడుకలను మంగళవారం ఘనంగా నిర్వహించారు. కంగ్టిలోని లిటిల్ స్టార్ పాఠశాలలో విద్యార్థులు, ఉపాధ్యాయులు, పాఠశాల యాజమాన్యం ఆధ్వర్యంలో ఈ కార్యక్రమం జరిగింది. ఈ సందర్భంగా సర్దార్ పాపన్న గౌడ్ చిత్రపటానికి పూలమాల వేసి ఘనంగా నివాళులర్పించారు. ఆయన ధైర్యసాహసాలు, వీరత్వం, సమాజం కోసం చేసిన సేవలను ఉపాధ్యాయులు విద్యార్థులకు వివరించారు. పాపన్న గౌడ్ ఆశయాలు, పోరాట స్ఫూర్తిని నేటి యువత ఆదర్శంగా తీసుకోవాలని సూచించారు. విద్యార్థులు సైతం ఆయన జీవిత చరిత్ర, పోరాట పటిమపై ప్రసంగించి ఆయన సేవలను స్మరించుకున్నారు. ఈ కార్యక్రమంలో విద్యార్థులు, ఉపాధ్యాయులు, పాఠశాల యాజమాన్యం తదితరులు ఉత్సాహంగా పాల్గొని సర్దార్ పాపన్న గౌడ్‌కు ఘన నివాళులు అర్పించారు.