దేవరకొండ: ప్రభుత్వ జూనియర్ బాలికల కళాశాలలో తెలుగు లెక్చరర్‌ భాస్కర్‌ విద్యార్థినుల పట్ల అసభ్యంగా ప్రవర్తిస్తూ, తరచూ మద్యం సేవించి లైంగిక వేధింపులకు పాల్పడుతున్నారని విద్యార్థినులు ఆరోపించారు. ఆయనను వెంటనే సస్పెండ్‌ చేయాలని డిమాండ్‌ చేస్తూ విద్యార్థినులు, విద్యార్థి సంఘాల నాయకులు కళాశాల ఎదుట ధర్నాకు దిగారు.ధర్నా కొనసాగుతున్న సమయంలో లెక్చరర్‌ భాస్కర్‌ అక్కడికి రావడంతో ఆగ్రహించిన విద్యార్థినులు, విద్యార్థి సంఘాల నాయకులు ఆయనపై దాడికి పాల్పడ్డారు. ఈ ఘటనతో కళాశాల వద్ద ఉద్రిక్త పరిస్థితి నెలకొంది. విద్యార్థినుల ఆరోపణలపై అధికారులు సమగ్ర విచారణ చేపట్టి, బాధ్యులపై చర్యలు తీసుకోవాలని విద్యార్థి సంఘాల నాయకులు డిమాండ్‌ చేశారు.విద్యార్థినుల భద్రతకు ప్రాధాన్యం ఇవ్వాలని, ఆరోపణలపై నిష్పక్షపాతంగా విచారణ జరిపి నిజానిజాలు తేల్చాలని వారు కోరారు.