కంగ్టి మండల కేంద్రంలో టి.వై.జె.ఎఫ్ యూనియన్ రాష్ట్ర ఛాంబర్ కమిటీ చైర్మన్ పి.వి. ప్రభాకర్ జన్మదిన వేడుకలను ఘనంగా నిర్వహించారు. మండల అధ్యక్షులు ప్రకాష్ ఆధ్వర్యంలో ప్రభుత్వ ఆసుపత్రి వద్ద కేక్ కట్ చేసి, రోగులకు పండ్లు పంపిణీ చేశారు. ఈ సందర్భంగా యూనియన్ సభ్యులు పి.వి. ప్రభాకర్‌కు జన్మదిన శుభాకాంక్షలు తెలిపారు. ఆయన ఆయురారోగ్యాలతో, సుఖసంతోషాలతో నిండు నూరేళ్లు జీవించాలని ఆకాంక్షించారు. జన్మదిన వేడుకలను సేవా కార్యక్రమంతో నిర్వహించడం ఆనందంగా ఉందని నిర్వాహకులు తెలిపారు. కార్యక్రమంలో యూనియన్ జిల్లా ఉపాధ్యక్షులు ఉదయ్, పటేల్, జలీల్, రుస్తుమ్, హెచ్. రాజు, షేక్ జలీల్, వినోద్ రెడ్డి, సంజు, శంకర్ తదితరులు, ప్రభుత్వ ఆసుపత్రి ఫార్మసిస్ట్ లక్ష్మణ్ కుమార్, హెల్త్ అసిస్టెంట్ నారాయణ రెడ్డి, ఆసుపత్రి సిబ్బంది పాల్గొన్నారు.