సరూర్‌నగర్: సరూర్‌నగర్ పోలీస్ స్టేషన్‌లో స్వాతంత్ర్య దినోత్సవ వేడుకలను ఘనంగా నిర్వహించారు. ఈ సందర్భంగా సీఐ శ్రీశైలం త్రివర్ణ పతాకాన్ని ఆవిష్కరించారు. అనంతరం పోలీసు అధికారులు, సిబ్బంది జాతీయ జెండాకు సెల్యూట్ చేసి జాతీయ గీతాన్ని ఆలపించారు.

ఈ సందర్భంగా సీఐ శ్రీశైలం మాట్లాడుతూ దేశ ఐక్యత, రక్షణతో పాటు శాంతిభద్రతల పరిరక్షణకు పోలీసులు శక్తివంచన లేకుండా విధులు నిర్వర్తిస్తారని తెలిపారు. ప్రజల భద్రతకు నిరంతరం కృషి చేస్తామని పేర్కొన్నారు. కార్యక్రమంలో ఎస్‌ఐలు, కానిస్టేబుళ్లు, పోలీస్ స్టేషన్ సిబ్బంది పాల్గొన్నారు.