8తెలంగాణ వర్కింగ్ జర్నలిస్ట్స్ ఫెడరేషన్ వ్యవస్థాపకులు మామిడి సోమయ్య ఆదేశాల మేరకు ఖమ్మం నగరంలోని ప్రెస్‌క్లబ్ ప్రాంగణంలో 80వ స్వాతంత్ర్య దినోత్సవ వేడుకలు ఘనంగా నిర్వహించారు. ప్రెస్‌క్లబ్ అధ్యక్షుడు అంతోటి శ్రీనివాస్ ఆధ్వర్యంలో జరిగిన కార్యక్రమానికి ఫెడరేషన్ జిల్లా అధ్యక్షుడు నానబాల రామకృష్ణ, ప్రధాన కార్యదర్శి అర్వపల్లి నగేష్ ముఖ్య అతిథులుగా హాజరై జాతీయ జెండాను ఆవిష్కరించారు. అనంతరం జాతీయ పతాకానికి వందనం సమర్పించారు.ఈ సందర్భంగా అంతోటి శ్రీనివాస్ మాట్లాడుతూ.. దేశ స్వాతంత్ర్య పోరాటంలో జర్నలిస్టులు, పత్రికా రంగం కీలక పాత్ర పోషించారని గుర్తుచేశారు. స్వాతంత్ర్య సమరయోధుల ఆశయాలను నేటి తరానికి చేరవేయడంలో పాత్రికేయులు బాధ్యతాయుతంగా వ్యవహరించాలని కోరారు. సమాజ హితమే ధ్యేయంగా పనిచేస్తున్న జర్నలిస్టుల సంక్షేమం, హక్కుల సాధన కోసం ప్రెస్‌క్లబ్ ఎల్లప్పుడూ ముందుంటుందని తెలిపారు. ఐకమత్యంతోనే జర్నలిస్టుల సమస్యలు పరిష్కారమవుతాయని అన్నారు. నానబాల రామకృష్ణ, అర్వపల్లి నగేష్ మాట్లాడుతూ.. ప్రజా సమస్యల పరిష్కారం కోసం నిరంతరం శ్రమిస్తున్న జర్నలిస్టుల సంక్షేమానికి సంఘం అండగా ఉంటుందని తెలిపారు. జర్నలిస్టులకు ఇళ్ల స్థలాలు, ఆరోగ్య కార్డులు, గుర్తింపు కార్డులు అందేలా ప్రభుత్వంపై ఒత్తిడి తీసుకువస్తామని హామీ ఇచ్చారు. హక్కుల సాధన కోసం జర్నలిస్టులంతా ఐక్యంగా పోరాడాలని పిలుపునిచ్చారు. సమాజ హితాన్ని కోరుతూ నిజాయితీతో కూడిన వార్తలను ప్రజలకు అందించాలని సూచించారు. కార్యక్రమంలో జిల్లా కోశాధికారి వేములకొండ రమేష్, ఉపాధ్యక్షులు కందరబోయిన నాగకృష్ణ, కిరణ్, లింగాల రామ్మూర్తి, జాతీయ మండలి సభ్యుడు ఎలుగోటి వెంకట్, రాష్ట్ర మండలి సభ్యుడు నల్లా రాకేష్‌రెడ్డి, తెలంగాణ బీజేఎఫ్ జిల్లా కార్యదర్శి కాసోజు శ్రీధర్, వీడియో చిత్రీకరణ సంఘం అధ్యక్షుడు అమరబోయిన ఉపేందర్, నగర అధ్యక్షుడు గంటేల కుమార్, కార్యదర్శి కప్పల మధుగౌడ్, ప్రెస్‌క్లబ్ కార్యదర్శి మల్లెల శిల్ప, ఎర్ర రాజేంద్రప్రసాద్, పి.శ్రీను, వి.విజయకుమారి, బి.వీరన్న, వ్యాఖ్యాత కీర్తిజ్యోతి, బంక మధు, కిరణ్, వనం నరేష్, వాకచర్ల సురేష్, చల్లగుండ్ల సతీష్, కొండల్, షేక్ మీరా, షేక్ షబ్బీర్, మేదర నాగరాజు, చిన్నంశెట్టి రాంబాబు తదితరులు పాల్గొన్నారు.