– చౌటుప్పల్ మండల అధ్యక్షుడు కడతాల యాదగిరి పిలుపు

– జనసమీకరణపై ‘టి.ఆర్.పి’ కీలక సమావేశం

తెలంగాణ రాజ్యాధికార పార్టీ ఆధ్వర్యంలో జూలై 5న నిర్వహించ తలపెట్టిన ‘రాజ్యాధికార సమరభేరి’ భారీ బహిరంగ సభను విజయవంతం చేయాలని ఆ పార్టీ చౌటుప్పల్ మండల అధ్యక్షుడు కడతాల యాదగిరి పిలుపునిచ్చారు. బుధవారం చౌటుప్పల్ మండల కేంద్రంలోని కళాశ్రీ ఫంక్షన్ హాల్‌లో పార్టీ ముఖ్య నాయకుల కీలక సమావేశం జరిగింది. ఈ సందర్భంగా సభ ఏర్పాట్లు, జనసమీకరణ కార్యాచరణపై నాయకులు సుదీర్ఘంగా చర్చించారు. ​ఈ సందర్భంగా కడతాల యాదగిరి మాట్లాడుతూ.. రాజ్యాధికార సాధనకై ప్రజలంతా కలిసికట్టుగా ముందుకు రావాలని కోరారు. చౌటుప్పల్ మండల వ్యాప్తంగా ఉన్న అన్ని గ్రామ పంచాయతీలు, మున్సిపాలిటీలోని వార్డుల్లో గల ప్రతి కుల సంఘం అధ్యక్షులకు, కుల పెద్దలకు జూలై 5 సభ ఆహ్వాన పత్రికలను నేరుగా అందజేయనున్నట్లు ఆయన వెల్లడించారు. ఈ సమరభేరి సభకు ప్రజలు భారీ ఎత్తున తరలివచ్చి విజయవంతం చేయాలని పిలుపునిచ్చారు.​ఈ సమావేశంలో పార్టీ రాష్ట్ర క్రమశిక్షణ కమిటీ చైర్మన్ బంధారపు నర్సయ్యా గౌడ్, యాదాద్రి భువనగిరి జిల్లా అధ్యక్షుడు కొమిరిశెట్టి నరసయ్య, చౌటుప్పల్ జనరల్ సెక్రటరీ అరూరి శివ తదితరులు పాల్గొన్నారు.