చౌటుప్పల్ పోలీస్ స్టేషన్ పరిధిలోని పంతంగి గ్రామంలో అక్రమంగా మద్యం విక్రయిస్తున్న ఇద్దరు వ్యక్తులను పోలీసులు మంగళవారం అరెస్ట్ చేశారు. వారి వద్ద నుంచి భారీగా మద్యం సీసాలను స్వాధీనం చేసుకున్నారు.చౌటుప్పల్ ఇన్స్పెక్టర్ ఆఫ్ పోలీస్ జి. మన్మధ కుమార్ ఆదేశాల మేరకు, నమ్మదగిన సమాచారం ప్రకారం.. చౌటుప్పల్ ఎస్సై పి. రవీందర్ తన సిబ్బందితో కలిసి మంగళవారం పంతంగి గ్రామ పరిధిలోని పలు దుకాణాల్లో ఆకస్మిక తనిఖీలు చేపట్టారు. ఈ తనిఖీల్లో గ్రామానికి చెందిన ఇద్దరు వ్యక్తులు ఎటువంటి అనుమతులు లేకుండా అక్రమంగా మద్యం విక్రయిస్తూ పట్టుబడ్డారు.​స్వాధీనం చేసుకున్న మద్యం వివరాలు:

​1. అంతటి గణేష్ (తండ్రి: జంగయ్య) వద్ద లభించినవి:

​5000 బీర్లు (650ml) – 12

​కేఎఫ్ బీర్లు (650ml) – 2

​కాయ్ కాయ్ (180ml) – 94

​ఓసి (180ml) – 39

​ఐబి (180ml) – 18

​2. కాకి పాండు (తండ్రి: గంగయ్య) వద్ద లభించినవి:

​కేఎఫ్ బీర్లు (650ml) – 14

​కాయ్ కాయ్ (180ml) – 40

​అక్రమంగా మద్యం నిల్వ ఉంచి విక్రయిస్తున్న సదరు నిందితులపై చౌటుప్పల్ పోలీసులు కేసు నమోదు చేసి, మద్యం సీసాలను స్వాధీనపరుచుకున్నారు. ఈ ఘటనపై కేసు దర్యాప్తు చేస్తున్నట్లు ఇన్స్పెక్టర్ జి. మన్మధ కుమార్ తెలిపారు. అనుమతులు లేకుండా బెల్ట్ షాపులు నడిపినా, అక్రమంగా మద్యం విక్రయించినా చట్టపరంగా కఠిన చర్యలు తప్పవని ఆయన హెచ్చరించారు.