నారాయణఖేడ్ నియోజకవర్గంలోని కల్హేర్ మండల కేంద్రంలో మండల సమాఖ్య కార్యాలయంలో ఈ నెల 12న ఆకార్ ఆశ హాస్పిటల్ వారి సహకారంతో, సెర్ప్ ఆధ్వర్యంలో ఉచిత వైద్య స్క్రీనింగ్ శిబిరం నిర్వహించనున్నట్లు ఏపీఎం వంశీకృష్ణ తెలిపారు.పుట్టుకతో వచ్చే వ్యాధులు, పెదవి చీలిక, అంగవైకల్యాలు, కాలిన గాయాల వల్ల ఏర్పడిన సమస్యలు మరియు శస్త్రచికిత్స అవసరమయ్యే ఇతర ఆరోగ్య సమస్యలతో బాధపడుతున్న వారికి ఉచితంగా పరీక్షలు నిర్వహించి, అర్హులైన వారికి ఉచిత శస్త్రచికిత్సలు చేయనున్నట్లు చెప్పారు. కల్హేర్ మండలంతో పాటు పరిసర గ్రామాల ప్రజలు ఈ అవకాశాన్ని సద్వినియోగం చేసుకొని తమ ఆరోగ్య సమస్యలకు పరిష్కారం పొందాలని ఆయన కోరారు.