కరీంనగర్ జిల్లా, వేములవాడ:

తెలంగాణ మునిసిపల్ ఎన్నికల నేపథ్యంలో వేములవాడలో కాంగ్రెస్ శ్రేణుల్లో ఉత్సాహం స్పష్టంగా కనిపిస్తోంది. టీపీసీసీ ఆదేశాల మేరకు వేములవాడ మునిసిపాలిటీకి కోఆర్డినేటర్‌గా బాధ్యతలు చేపట్టిన రాష్ట్ర ప్రధాన కార్యదర్శి దైద రవీందర్, స్థానిక ఎమ్మెల్యే మరియు ప్రభుత్వ విప్ ఆది శ్రీనివాస్ నాయకత్వాన్ని ప్రశంసించారు.మునిసిపాలిటీ పరిధిలోని అన్ని వార్డుల్లో విస్తృతంగా ప్రచారం నిర్వహించినట్లు తెలిపారు. ప్రజల సమస్యలపై స్పందించే తీరు, పార్టీ నాయకులు–కార్యకర్తల సూచనలకు ప్రాధాన్యత ఇవ్వడం ఆది శ్రీనివాస్ నాయకత్వంలో స్పష్టంగా కనిపిస్తోందని పేర్కొన్నారు. కార్యకర్తలను ఆత్మీయంగా కలుపుకుపోయే విధానం ప్రత్యేకంగా ఆకట్టుకుందని వ్యాఖ్యానించారు.వేములవాడ మునిసిపాలిటీ కాంగ్రెస్ కైవసం చేసుకోవడం ఖాయమనే నమ్మకాన్ని వ్యక్తం చేసిన దైద రవీందర్, స్థానిక నాయకత్వం మరియు శ్రేణుల ఐక్యత విజయానికి దారి తీస్తుందని అన్నారు. ప్రచార సమయంలో తనను, తన బృందాన్ని కుటుంబ సభ్యుల్లా ఆతిథ్యం ఇచ్చినందుకు కృతజ్ఞతలు తెలిపారు.