సెల్‌ఫోన్లు, బెట్టింగ్ గేమ్స్ వంటి వివిధ వ్యసనాల నుంచి యువతను కాపాడేందుకు బ్రహ్మకుమారీస్ సంస్థ ఆధ్వర్యంలో ‘10 కోట్ల వ్యసన విముక్తి ప్రతిజ్ఞల మహా ఉద్యమం’ చేపట్టారు. ఇందులో భాగంగా లక్కారంలోని తెలంగాణ మోడల్ స్కూల్ అండ్ కళాశాలలో బ్రహ్మకుమారి రాజయోగ మెడిటేషన్ సెంటర్ ఆధ్వర్యంలో విద్యార్థులకు అవగాహన సదస్సు నిర్వహించి, వ్యసనాలకు దూరంగా ఉంటామని ప్రతిజ్ఞ చేయించారు.​ ప్రిన్సిపల్ స్వరూపరాణి మాట్లాడుతూ. నేటి విద్యార్థులే రేపటి దేశానికి పునాదులు. దురలవాట్లకు దూరంగా ఉంటూ నిత్యం ధ్యానం (మెడిటేషన్) చేయడం అలవాటు చేసుకోవాలని అన్నారు. ​ఈ కార్యక్రమంలో బ్రహ్మకుమారి స్వర్ణలత అక్కయ్య, సత్యనారాయణ, పాఠశాల ఉపాధ్యాయులు, విద్యార్థులు పాల్గొన్నారు.