ఈ నెల 18వ తేదీన చౌటుప్పల్ మండల కేంద్రంలోని డాక్టర్ బి.ఆర్. అంబేద్కర్ భవనంలో చౌటుప్పల్, నారాయణపురం మండలాల ఎమ్మార్పీఎస్ సదస్సు నిర్వహిస్తున్నట్లు ఆ రెండు మండలాల ఇన్‌ఛార్జి బోయ లింగస్వామి మాదిగ ఒక ప్రకటనలో తెలిపారు.ఈ సమావేశంలో చౌటుప్పల్, నారాయణపురం మండలాలకు సంబంధించిన ఎమ్మార్పీఎస్ నూతన మండల కమిటీ అధ్యక్షులను నియమిస్తామని ఆయన పేర్కొన్నారు. ఈ కార్యక్రమానికి ఎమ్మార్పీఎస్, ఎమ్ఎస్పీ ఉమ్మడి జిల్లా ఇన్‌ఛార్జి బిర్రు మహేందర్ మాదిగ ముఖ్య అతిథిగా హాజరుకానున్నట్లు వెల్లడించారు. ​ఈ సదస్సుకు రెండు మండలాల పరిధిలోని ఎమ్మార్పీఎస్, అలాగే దాని అనుబంధ సంఘాల నాయకులు, కార్యకర్తలు అధిక సంఖ్యలో హాజరై కార్యక్రమాన్ని దిగ్విజయం చేయాలని లింగస్వామి పిలుపునిచ్చారు.