నేటి చిన్నారులే రేపటి భావి భారత పౌరులని, క్రమశిక్షణతో కష్టపడి చదువుకొని ఉన్నత స్థాయికి ఎదగాలని మందోల్లగూడెం మాజీ ఉపసర్పంచ్, బీఆర్ఎస్ నాయకులు బోరం ప్రకాశ్‌రెడ్డి పిలుపునిచ్చారు. గురువారం మండల పరిధిలోని తూర్పుగూడెం ప్రాథమిక పాఠశాలలో 25 మంది, మందోల్లగూడెం ప్రాథమిక పాఠశాలలో 11 మంది విద్యార్థులకు ఆయన సొంత ఖర్చులతో షూలను ఉచితంగా అందజేశారు. ​ఈ సందర్భంగా ప్రకాశ్‌రెడ్డి మాట్లాడుతూ.. విద్యార్థులను చదువులో ప్రోత్సహించేందుకు ఉపాధ్యాయులు మరింత కృషి చేయాలని ఆకాంక్షించారు. పాఠశాలల అభివృద్ధికి, విద్యార్థుల సంక్షేమానికి తనవంతు సహాయ సహకారాలు ఎల్లప్పుడూ ఉంటాయని హామీ ఇచ్చారు.​కార్యక్రమంలో తూర్పుగూడెం ప్రాథమిక పాఠశాల ఏఏపీసీ చైర్మన్ పిట్టల సంతోష్, 7వ వార్డు సభ్యుడు మానే రవికుమార్, 8వ వార్డు సభ్యుడు గుండు శ్రీశైలం, తూర్పుగూడెం ప్రధానోపాధ్యాయులు ఎస్. పరమేష్, ఉపాధ్యాయురాలు జి. వరలక్ష్మి, మందోల్లగూడెం ప్రధానోపాధ్యాయురాలు ఎన్. సంధ్య, గ్రామానికి చెందిన యువకులు గుండు ప్రశాంత్, నిలిగొండ రఘు తదితరులు పాల్గొన్నారు.