నారాయణఖేడ్ నియోజకవర్గం కంగ్టి మండలం జామ్గి రైతు వేదికలో ఆత్మ (ATMA) శిక్షణ కార్యక్రమంలో భాగంగా ఆగస్టు 13న రైతులకు ఆధునిక వ్యవసాయ పద్ధతులు, సాంకేతికతలపై ప్రత్యేక శిక్షణ నిర్వహించనున్నారు. కేవీకే శాస్త్రవేత్త రమేష్ రైతులకు ఎల్‌నినో ప్రభావ పరిస్థితుల్లో నూనెగింజల పంటల సాగు, ప్రకృతి వ్యవసాయం, నానో యూరియా, నానో డీఏపీ, హెచ్‌డీ కాటన్, అంతర పంటల సాగు, సమగ్ర సస్యరక్షణ తదితర అంశాలపై శాస్త్రీయ అవగాహన కల్పించనున్నారు. ఆధునిక పద్ధతులను పాటించడం ద్వారా సాగు ఖర్చులను తగ్గించుకోవడంతో పాటు పంట దిగుబడిని పెంచుకోవడం, ఎరువులను సమర్థవంతంగా వినియోగించడం, పురుగు–తెగుళ్లను సమగ్రంగా నియంత్రించడం వంటి అంశాలపై రైతులకు సూచనలు ఇవ్వనున్నారు. ఎల్‌నినో పరిస్థితులను దృష్టిలో ఉంచుకొని తక్కువ నీటితో సాగు చేసే పంటలను ప్రోత్సహించడం, పంటల వైవిధ్యీకరణపై కూడా అవగాహన కల్పించనున్నారు. కంగ్టి మండల రైతులు ఈ శిక్షణ కార్యక్రమానికి హాజరై సద్వినియోగం చేసుకోవాలని మండల వ్యవసాయ శాఖ అధికారులు కోరారు.ఈ సందర్భంగా మండల వ్యవసాయాధికారి వి. హరీష్ తెలిపారు.