ఘనంగా ‘ఆస్పైర్ సమ్మిట్ 3.0’ ప్రదానోత్సవం

శిల్పకళా వేదికలో అవార్డు అందజేసిన డైరెక్టర్ రమాదేవి

​విద్యాబోధనలో విశిష్ట సేవలు అందిస్తున్న చౌటుప్పల్ నారాయణ హైస్కూల్ బ్రాంచ్ ప్రతిష్ఠాత్మక ‘బెస్ట్ ఎడ్యుకేషన్’ అవార్డును కైవసం చేసుకుంది. తెలంగాణ రాష్ట్రవ్యాప్తంగా నారాయణ పాఠశాలల విభాగంలో ప్రతిఏటా నిర్వహించే ‘ఆస్పైర్ సమ్మిట్ 3.0’ పురస్కారాల కార్యక్రమంలో భాగంగా హైదరాబాద్‌లోని శిల్పకళా వేదికలో ఈ వేడుకను కన్నుల పండువగా నిర్వహించారు. ​ఈ కార్యక్రమంలో నారాయణ గ్రూప్ ఆఫ్ స్కూల్స్ డైరెక్టర్ రమాదేవి ముఖ్య అతిథిగా హాజరై చౌటుప్పల్ బ్రాంచ్ బృందానికి ‘బెస్ట్ ఎడ్యుకేషన్’ పురస్కారాన్ని అందజేసి అభినందించారు. విద్యార్థులకు నాణ్యమైన విద్యతో పాటు సర్వాంగీణ వికాసానికి కృషి చేస్తున్నందుకు గాను ఈ గౌరవం దక్కిందని నిర్వాహకులు తెలిపారు. ​ఈ వేడుకలో నారాయణ సంస్థల జీఎం గోపాల్ రెడ్డి, డీజీఎం వెంకటరమణారెడ్డి, ఏజీఎం శ్రీనివాస్ రెడ్డి, హైస్కూల్ ఆర్‌ఎండీ అనిల్, ప్రిన్సిపాల్ నవనీత, కోఆర్డినేటర్ రవిశంకర్, హెచ్ఆర్ సతీష్, డీన్ వెంకన్న, ఏవో వెంకటేశం, ఉపాధ్యాయులు, సిబ్బంది పాల్గొన్నారు.