నకిరేకల్ శాసనసభ్యులు, ప్రభుత్వ విప్ వేముల వీరేశంను తెలంగాణ సీనియర్ ఉద్యమ నాయకుడు పోలేపల్లి సత్యనారాయణ మర్యాదపూర్వకంగా కలిసి అభినందించారు. ఇటీవల క్యాబినెట్ హోదా లభించిన సందర్భంగా శాలువాతో ఘనంగా సత్కరించి శుభాకాంక్షలు తెలియజేశారు.

ఈ సందర్భంగా పోలేపల్లి సత్యనారాయణ మాట్లాడుతూ, తెలంగాణ ఉద్యమంలో చురుకుగా పాల్గొని రాష్ట్ర సాధన కోసం కృషి చేసిన నిజమైన ఉద్యమకారులను గుర్తించి, వారికి ప్రభుత్వం ద్వారా తగిన న్యాయం జరిగేలా చర్యలు తీసుకోవాలని విప్ వేముల వీరేశాన్ని కోరారు. ఉద్యమకారుడిగా ఈ బాధ్యతను నెరవేర్చాలని విజ్ఞప్తి చేశారు.

దీనికి స్పందించిన విప్ వేముల వీరేశం, కాంగ్రెస్ ప్రభుత్వంలో తెలంగాణ ఉద్యమకారులకు ఎలాంటి అన్యాయం జరగదని స్పష్టం చేశారు. అర్హులైన ప్రతి ఉద్యమకారుడికి న్యాయం జరిగేలా కృషి చేస్తానని, ఉద్యమకారుల తరఫున తాను అండగా ఉంటానని హామీ ఇచ్చారు.ఈ కార్యక్రమంలో పోకల అశోక్ తో పాటు పలువురు ఉద్యమ నాయకులు, కార్యకర్తలు పాల్గొన్నారు.